تحریکِ ارشاد اعظم

تحریکِ ارشاد اعظم ایک اشاعتی ادارہ ہے جو اُس الہیٰ حکم کی تعمیل اور تکمیل کے لیے وقف ہے جو رب العامین  نے ہمیں اقوامِ عالم کے لیے دیا۔ ہمارا مقصد  یہ ہے کہ اشاعت، آڈیو، ویڈیو، ٹی وی اور سوشل میڈیا کے ذرائع کے ذریعے مژدہ  مسرت   کو عام کریں اور ذاتِ باری تعالیٰ کے کلام کو ہر دل تک پہنچائیں۔

یہ خدمت نہ صرف کلامِ اللَّہکی روشنی کو دنیا بھر میں پھیلانے کا عزم رکھتی ہے بلکہ خالقِ کائنات کے اس ارشادِ اعظم  کی بھی عملی تعمیل ہے جو اُس نے ہمیں سونپا ہے۔

اس مقصد کے حصول کے لئے…

کلامِ الٰہی کے پیغام کو مؤثر انداز میں نوجوانوں تک پہنچانے کے لیے ایک تصویری کتاب ’’نیک و بد‘‘  تیار کی گئی ہے، جو اردو، پشتو، سندھی، ہندی، نیپالی سمیت کئی دیگر زبانوں میں دستیاب ہے۔ یہ کتاب خاص طور پر نوجوانوں کو کلامِ خدا کی تعلیمات سے روشناس کروانے کا ایک جامع اور مؤثر ذریعہ ہے۔

مزید سہولت کے لیے، ہر باب کو آڈیو اور ویڈیو فارمیٹ میں بھی تیار کیا گیا ہے تاکہ ربِ باری تعالیٰ کی تعلیمات کو سیکھنا اور دوسروں تک پہنچانا اور بھی آسان ہو جائے۔ یہ تمام ویڈیوز یوٹیوب اور فیس بک پر بآسانی دستیاب ہیں۔

  راہِ حق کی پہچان کے لئے کچھ اور  کتابیں

ہماری فہرست  میں ایسی کئی کتب شامل ہیں جو آپ کو راہِ حق کی پہچان میں مدد فراہم کریں گی۔ ان میں ربّ العالمین کے الٰہی منصوبے کو جامع اور بامعنی تفسیر کے ساتھ پیش کیا گیا ہے، تاکہ قاری نہ صرف ہر نکتے کو بہتر طور پر سمجھ سکے بلکہ اپنی زندگی میں اس پر عمل بھی کر سکے، اور حاصلِ کلام کو مؤثر انداز میں دوسروں تک پہنچا سکے۔

خداوند یسوع  المسیح  کی بشارت  ہر دل تک!

یہ تمام کتب  چرچز، تعلیمی اداروں، سنڈے سکولز، کالجز، کمیونٹی لیڈرز، دیہات اور شہروں — کے لیے بالکل مفت فراہم کی جا رہی ہیں۔ ہمارا مقصد صرف ایک ہے، خداوند یسوع المسیح کی خوشخبری کو دنیا کے کونے کونے تک پہنچانا، تاکہ اُس کے جلالی ظہور کی تیاری کی جا سکے۔ہم یقین رکھتے ہیں کہ جب ہر قوم اور ہر زبان میں خوشخبری پہنچے گی، تب وہ وقت آئے گا جس کا ہمیں شدت سے انتظار ہے — کہ ایماندار اُڑ کر ہوا میں اپنے منجی، یسوع مسیح، کا استقبال کریں۔جیسا کہ آپ جانتے ہیں، یہ مشن ہم اکیلے مکمل نہیں کر سکتے۔ اس عظیم کام کے لیے ہمیں ایک دوسرے کا ساتھ دینا ہو گا، ایک دوسرے کا ہاتھ تھام کر مل جل کر آگے بڑھنا ہو گا۔کیونکہ یسوع مسیح کا فرمان ہے:

’’اور بادشاہی کی اِس خوشخبری کی منادی تمام دنیا میں ہو گی تاکہ سب قوموں کے لیے گواہی ہو۔ تب خاتمہ ہو گا۔‘‘ متی ۲۴ : ۱۴

جب وہ دن آئے گا، توسیدنا  مسیح خود ہمیں لینے آسمان سے آئیں گے۔

سیدنا مسیح  کے بارے میں جاننے کے لئے یہ تمام کتب بالکل مفت دستیاب ہیں ۔ ہمیں ای میل لکھیں یا واٹس ایپ کریں یا بالکل فری ڈاوٴن لوڈ کریں  شکریہ.

• Facebook
• YouTube